တရုတ်သစ်သူခိုးများကို တပ်မတော်က လေကြောင်းကင်းထောက်စနစ်နဲ့ ဖမ်းဆီး

164
32222
32222

တရုတ်သစ်သူခိုး ၁၃ယောက်ကိုတပ်မတော်က လေကြောင်းကင်းထောက်စနစ်အသုံးပြု ဖမ်းဆီး

ကချင်ပြည်နယ် ဗန်းမော်ခရိုင် မံစီမြို့နယ်အတွင်း နယ်မြေလုံခြုံရေး နှင့်စိုးမိုးရေးလုပ်ငန်းများဆောင်ရွက်နေသော တပ်မတော်စစ်ကြောင်းများက လေကြောင်းကင်းထောက်မှုများအရ တရားမဝင်သစ်ထုတ်လုပ်သည့် တရုတ်နိုင်ငံသား ၁၃ ဦးနှင့် မြန်မာနိုင်ငံသားနှစ်ဦးတို့ကို ဖမ်းဆီးနိုင်ခဲ့ကြောင်း ဧပြီ ၆ ရက် ညပိုင်းတွင် တပ်မတော်ကာကွယ်ရေးဦးစီးချုပ်ရုံးက ထုတ်ပြန်သည်။

ခလန်-ထိန်နု-မန်ချန်အနီးတစ်ဝိုက်၌ မြန်မာ့အဖိုးတန်သယံဇာတများအား တရားမဝင်ထုတ်လုပ်နေသည့် မသင်္ကာဖွယ်ရာလမ်း ကြောင်းများ၊ ယာဉ်များနှင့်စုပုံထားသည့်သစ်များအားတွေ့ရှိခဲ့သဖြင့် နိုင်ငံ့သယံဇာတများအား ကိုယ်ကျိုးစီးပွားအတွက် တရားမဝင်ထုတ်လုပ်နေမှုများမရှိစေရေး ဖော်ထုတ်ခြင်းဖြစ်ကြောင်း ထုတ်ပြန်ချက်၌ပါရှိသည်။

ဖမ်းဆီးရမိ

ထိုသို့ဖော်ထုတ်ရာတွင် မတ် ၂၉ ရက်မှ ဧပြီ ၅ ရက်အတွင်း မံစီမြို့နယ် ခလန်–ထိန်နု– မန်ချန်တစ်ဝိုက်မှ စုစုပေါင်းကျွန်းသစ်လုံးနှင့်ခွဲသားဆိုက်စုံ ၈၆ တန်ခွဲခန့်၊ သစ်ထုတ်လုပ်ရာ တွင်အသုံးပြုသည့် သစ်တင်ယာဉ် ၄၄ စီး၊Wheel Loader ၄ စီး၊ ဘက်ဟိုးယာဉ်တစ်စီး၊ မြန်မာနိုင်ငံသားနှစ်ဦးနှင့် တရုတ်နိုင်ငံသား ၁၃ ဦးတို့ကို ဖမ်းဆီးရမိခဲ့သည်။

လွှဲပြောင်းအပ်နှံ

ဖမ်းဆီးရမိသူများ၊ တရားမဝင်သစ်များနှင့်ယာဉ်များအား သက်ဆိုင်ရာမြို့နယ်သစ်တော ဦးစီးဌာနများသို့ လွှဲပြောင်းအပ်နှံခဲ့ပြီးဖြစ်ကြောင်းနှင့် မြန်မာ့အဖိုးတန်သယံဇာတများ အား ကိုယ်ကျိုးစီးပွားအတွက် တရားမဝင်ထုတ်လုပ်နေမှုများကို တားဆီးကာကွယ်ရန် အတွက် တပ်မတော်လုံခြုံရေးစစ်ကြောင်းများက ဆက်လက်ရှာဖွေဖော်ထုတ်ဖမ်းဆီးသွားမည်ဖြစ်ကြောင်း ထုတ်ပြန်ခဲ့သည်။The Myanmar Times

Facebook Comments